تحميل كتاب الكتاب التاني pdf الكاتب أحمد العسيلي

الحياة قد يراها البني آدم على إنها امتحان، و هي غالباً كده فعلاً، بس هي مش كده و بس… أمال هي ايه؟ لعبة طبعاً
يعني زي ماتقولوا كده امتحان بس في صورة لعبة… لعبة معقدة جداً بس ممكن تخليها بسيطة لو عايز، لو تقدر..
مطلوب منك تلعب اللعبة بالقواعد اللي تشوفها مناسبة، ماحدّش فعلاً بيجبرك على حاجة.. بس سر النجاح الحقيقي في اللعبة دي هو انك انت اللي تلعبها ماتخليهاش هي اللي تلعبك (و ما تخليش حد يلعب مكانك!).. اللعبة دي مش عن المكسب و الخسارة (أو على الأقل مش هنا)، ماتنساش نفسك لما تكسب و ماتاخدش الموضوع جد زيادة لما تخسر.. ماتستناش حاجة، كل حاجة بتيجي في وقتها.. ماتعملش أبداً حاجة إنت مش موافق عليها، و لما تعمل اللي انت وافقت عليه ماتندمش.. اتعلّم من لعبك، ماتعملش نفس الغلطات تاني، و بيني و بينكو لو عملتها لكن برضه اتعلّمت ماحصلش مأساة يعني انت بني آدم و بتغلط، ماتزودهاش بس!

هذا الكتاب من تأليف أحمد العسيلي و حقوق الكتاب محفوظة لصاحبها

تحميل كتاب نُصْ كِتاب pdf الكاتب أحمد العسيلي

“شوف بقه، حتسأل نفسك الكتاب ده عن ايه؟ الكتاب ده ايه؟ هو نص كتاب ليه؟ 
سيبك من الحاجات دى. ده كتاب وخلاص، لو حسيت كده إن عندك ما يكفي من أسباب ووقت إقراه.
دى مش قصة طبعاً .. ولا مناظر! 🙂
ده كتاب هدفه ياخدك في رحلة ما بعيدة جداً تلف فيها كتير جداً وترجع، لنفسك.
مش حتعرف كده من أول ما تبدأ تقرا بس حغششك عشان ما تفضلش حيران.
الكتاب ده عنك أنت شخصياً”.

هذا الكتاب من تأليف أحمد العسيلي و حقوق الكتاب محفوظة لصاحبها

تحميل كتاب كتاب مالوش اسم pdf الكاتب أحمد العسيلي

وانا صغيّر كان فيه حلم يقظة بيجيلي كتير جدًّا؛ قال خير اللهم اجعله خير، طالع انا في التليفزيون بَقُول نظريات وأفكار ورأيي في كل حاجة في الدنيا، والمذيعة الحلوة منبهرة جدًّا بكل كلمة بقولها. وقاعد انا بقه مُنْجَعِصْ بثقة في الكرسي بتاعي ومكتوب تحت صورتي بالبنط العريض «المفكّر الكبير: أحمد العسيلي». حلم غريب جدًّا طبعًا. هي دي شغلانة يحلم بيها طفل دي؟ المفكّر الكبير؟!
بس الحمد لله.. جزء من النبوءة تحقق.. بَطْلَع في التليفزيون وفي الراديو وبَكتب مقالات وكمان بَكتب كتاب اهه.. بس الأهم، لإنه السبب في كل ده.. إني على طول بَفكّر.. بَفكّر.. بَفكّر..

هذا الكتاب من تأليف أحمد العسيلي و حقوق الكتاب محفوظة لصاحبها